2012-03-23 - мөнгийг хүндэлвэл тэр танийг хүндэлнэ
Мөнгө хэрэгтэй үедээ өөрт нь хүндэтгэлтэй харьцсан газар олноороо ирдэг гэдэг. мөн мөнгийг өөртөө татан ашиг орлогоо нэмэгдүүлж, мөнгөний урсгалыг өөр рүүгээ чиглүүлж болно. Ингээд уншигч та бүхэндээ мөнгөтэй харьцах дүрмээс танилцуулъя.
- Цалин болон бусад орлогоо бүрэн бүтнээр нь гэртээ авчирч хонуулах хэрэгтэй.
- Нэг ширхэг том дэвсгэртийг бүтэн жилийн турш үрэлгүй хадгалвал энэ мөнгө таны энергиэр цэнэглэгдээд таньруу мөнгө дуудаж эхэлнэ.
- Өрөө, тасалгаан дотор шүгэлдэж болохгүй.
- Ширээн дээрээс талх боовны үртсийг гараараа арчин унагаж болохгүй.
- Хөрш чинь давс юмуу хэдэн хэрчим талх өгөөдхөөч гэж гуйвал өгч болохгүй. Өгөх юм бол танд ирэх ёстой байсан баялаг хөрш рүү чинь очих болно.
- Хогийн шүүрээ ишээр нь доош харуулж тавьбал мөнгө гэрт чинь орж ирнэ. Мөнгө хогийн шүүрнээс айдаг.
- Цалин мөнгөө нэмэгдүүлэх тухай даргатайгаа ярих гэж байгаа бол лхагва гаригт ярьсан нь дээр
- Даваа гаригт хүнээс мөнгө хэрхэвч зээлдэж болохгүй. Мягмар гаригт өөрөө хүнд мөнгө зээлдүүлж болохгүй. Зээлсэн мөнгөө буцааж өгөхдөө Баасан гаригаас бусад өдрийг сонгох хэрэгтэй. Ер нь өгөх, авах асуудлыг өглөө хийж байвал зөв, оройн цагаар мөнгө нааш, цааш болговол хоосрох аюултай.
- Ер нь аль болох мөнгийг зээлдэхгүй, өөрийнхөө орлогыг зөв төлөвлөн амьдрахыг хичээх хэрэгтэй. Харин хүнд мөнгө зээлдүүлж байх нь сайн, яагаад гэвэл энэ үйлдлээрээ та мөнгийг өөр рүүгээ ирүүлэхээр програмчилж байдаг юм.
- Дараагийн улирал хүртэл өмсөхгүй хувцасныхаа халлсанд ядаж жижиг дэвсгэрт хийж байх хэрэгтэй. Гэхдээ уранхай халаас, товч нь тасарсан хувцсанд мөнгө дургүй гэдгийг анхаараарай.
- Түрийвчийг хэзээ ч хов хоосон байлгаж болохгүй. Ганц зоосон мөнгө ч болтугай хийж орхих хэрэгтэй. Түрийвчин дэх мөнгөө эмх замбараатай, нэг тийш нь харуулж хийж байх. Түрийвчнийхээ нэг тасалгаанд нь гурвалжилж эвхсэн 1 долларын дэвсгэртийг хадгалж явбал мөнгөний урсгал таньруу чиглэдэг.
- Түрийвчиндээ бас нэгэн "азтай" дэвсгэртийг байнга байлгах хэрэгтэй. Таны анхны цалин, орлого, ямар нэгэн сайхан эсвэл баян хүнээс ирсэн мөнгө гэх мэт. Энэ дэвсгэртээ ямар ч тохиолдолд үрж болохгүй бөгөөд үрчихвэл мөнгө таньд гомдоод зугтдаг болдог гэнэ.
- Хэрэв мөнгө таньд амархан аргаар олдсон бол /хожсон, олсон/ тийм мөнгө танд сайн зүйл авчрахгүй, бушуухан үгүй хийх хэрэгтэй. Хэрэв та энэ бүх энгийн дүрмийг биелүүлж чадвал та үргэлж мөнгөтэй байх бололцоотой. Харин мөнгөө алдах амархан гэдгийг санаж, дээрх дүрмүүдийг хааяа нэг бус, байнга биелүүлж байх ёстойг санаарай.
